بلغو عنى ولو آيه

**نقاء الروح** · 2013-07-16, 09:04

بلغو عنى ولو آيه 1004454_484695864955901_1620522332_n

اخوانى وأخواتى فى الله
هذا الموضوع سوف يكون مساهمة منا فى كيفية نطق بعض الكلمات
التى وردت فى كتاب الله الحكيم
وأدعو الله ان ينفع بها الجميع
وأن تكون خالصة لوجه الكريم
فتابعونا

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-16, 09:06

بلغو عنى ولو آيه

درجات ،،،

اقراها تانى كده !

درجات ...

لا على فكرة بتقراها غلط

حرف ال ر المفتوحه هو بس اللى مفخم انما باقى الحروف

( د -رـ ج - ا - ت ) مرققه عادى

اسمع صوتك كده وانت بتقول د ف " دبدوب "
طيب لما بتقول ( جاء فلان ) شوفت ال ج بعدها ال ا بتتنطق ازاى ؟؟
" بنات " شوفت ال ن هنا حنينه ازاى

لكن لو ناديت على صاحبك ( رامــى ) .. هنا بقي ال ر مفخمه

طيب جرب تقولهم ورا بعض كده
( د " دبدوب " - رَ " رامى " - جا " جاء " - ن " بنات" )
فهمت انا قصدى ايه ؟؟

دلوقتى لما تيجى تقرا
يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَاتٍ
هتقرا درجات ازاى ؟؟

دلوقتي بقي لما تيجي تقرا ف مصحفك ..
و تقابلك كلمه " درجات" ابقي افتكر البوست ده )

من وحي برنامج { بلغوا عني ولو آيه }
في احكام تجويد القرآن بطريقه مبسطه

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-16, 09:13

بلغو عنى ولو آيه

قـــرآن ،،،

اقراها تانى كده !

لا على فكرة بتقراها غلط

احنا بنقول " آن الآوان "

شوفت الفرق بين آن اللى قولتها ف قرآن .. و آن اللى قولتها ف آن الاوان ؟؟

ها هتقرا قــر" آن " ازاى بعد كده ؟؟

طيب ..

قول - بـــشـــر - كده ؟

لا لا .. مش كده :

اسمع صوتك كده وانت بتقول على المياه - بــارد

شوفت ال ب المفتوحه بتتنطق مرققه ازاى ؟؟

قولها تانى بقي .. بـــَــــشــــر !

تمام كده

دلوقتي بقي لما تيجي تقرا ف مصحفك .. و تقابلك كلمه

" قرآن " او " بشر " ابقي افتكر البوست ده )

من وحي برنامج { بلغوا عني ولو آيه }
في احكام تجويد القرآن بطريقه مبسطه

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-16, 09:17

بلغو عنى ولو آيه

اصـــلاح ،،،

طبعا مش محتاجه اقول ان ال ص بس هى اللى مفخمه :

بتقول " ســلاح " ازاى ؟؟

ها عرفت ان ( لاح ) مرققه ؟؟

تمام ..

نيجى لكلمه تانيه
دار ،،،
اقراها تانى كده !
دار ...

لا على فكرة دى د مش ض

لاااااازم يكون فيه فرق بين " دار " و " ضار " ولا انت ايه رايك ؟؟

ضار مش محتاجين نقول بتتنطق ازاى ..

طيب دار بقي بتتنطق ازاى ؟؟

جرب كده تقول ( دافـى ) ,,, ( دايب ) ,,, ( دائما )

شوفت ال " دا " مرققه ازاى ؟

ها هتقرا { تِلْكَ الدَّارُ الْآخِرَةُ } ازاى ؟؟

دلوقتي بقي لما تيجي تقرا ف مصحفك .. و تقابلك كلمه " دار "

ابقي افتكر البوست ده

من وحي برنامج { بلغوا عني ولو آيه }
في احكام تجويد القرآن بطريقه مبسطه

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-16, 09:19

بلغو عنى ولو آيه

المستقيم ،،،

اقراها تانى كده !

المستقيم ..

يا راجل ؟؟ طيب انا راضيه ذمتك .. ايه الفرق بين اللى انت بتقوله ده

وبين المصطقيم ؟؟

نقول تانى .. مش معنى ان فيه حرف مفخم ف الكلمه يبقى نفخمها كلها

طيب هنقول ازاى المستقيم صح ؟؟

جرب كده تقول ( الــمـــســـتـــاء )

شوفت " الــمـــســـتـــَ " دى بتبقي مرققه كلها ازى ؟؟

" الـــمـــســـتــَـــ " قيم !

{ إهدِنَا الصِّرَاطَ المُستَقِيمَ }

خد بالك >> سورة الفاتحه لا تصح الصلاه الا بصحه تلاوتها

وبما اننا ربنا انعم علينا بنعمه التعلم و القراءة والكتابه ..

وجب علينا اننا نتعلم نقراها صح

والكلمه دى من اكتر الكلمات اللى بتتنطق غلط ف سورة الفاتحه

اتعملها وعلمها لاهلك وصحابك .. وخد ثوابهم

من وحي برنامج { بلغوا عني ولو آيه }
في احكام تجويد القرآن بطريقه مبسطه

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-16, 09:22

بلغو عنى ولو آيه

فريق ،،،

لا بردو مش ده :مالناش دعوة بالسياسه هنا

نطقتها ازاى يا ترى ؟؟

هنا ال ف مرققه .. اخدت بالك ؟؟

زى ما بتقول كده ( فـــاتح )

" فـــَ "ــريق

- الأرض ،،،

ها قلتها ازاى ؟؟

ايوووووه صح كده

" الأ " دى بتتنطق كلها مرققه زى ما بننطق " الأن " كده

وبعدها نفخم ال ر و ال ض براحتنا بقي

تمام ..

مش بس الأرض .. اى حاجه اولها " الأ " بردو

- نفس الكلام على ال " لا " اللى فى نص الكلمه

واللى معاها حروف مفخمه

زى " اصلاح " - " صلاة " - وغيرهم

ال " لا " بتتنطق مرققه زى ما بتنطقها فى كلمه " سلاح "

تمام ؟

من وحي برنامج { بلغوا عني ولو آيه }
في احكام تجويد القرآن بطريقه مبسطه

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-16, 09:46

بلغو عنى ولو آيه

الأنـــهــــار ،،،

اقراها تانى كده !

الأنــــهــــار ...

لا على فكرة بتقراها غلط

اسمع نفسك كده وانت بتقول ( الأن )

شوفت الحروف كلها مرققه ازاى

طيب البلح الاصفر ده اسمه ايه ؟

ايون شـــاطر ( امـــ "هــــا" ت )

ركز كده نطقت ال هـــا رقيقه ازاى ؟؟

مش معنى ان اخر حرف ف الكلمه < ال ر > مفخمه

يبقى الكلمه كلها نقولها من قلب الحلق كده ولا ايه ؟؟

اقراها كلها على بعضها بقي

( الأن - هـــا - ر )

أيوه كده صح
ها .. لما تيجى تقرا

{ جَنَّاتٍ تَجْرِي مِنْ تَحْتِهَا الْأَنْهَارُ }

هتقرا الانهار ازاى ؟؟

دلوقتي بقي لما تيجي تقرا ف مصحفك .. و تقابلك كلمه " انـــهـــار" ابقي افتكر البوست

من وحي برنامج { بلغوا عني ولو آيه }

في احكام تجويد القرآن بطريقه مبسطه

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-16, 09:50

بلغو عنى ولو آيه

طعام ،،،

اقراها تاني كده

طعام ..

لا علي فكرة بتقراها غلط

حرف ال ط هو بس اللي مفخم انما باقي الحروف

( ع - ا -م ) مرققه عادي

جرب كده تقول ( في كل "عام" )

شوف نطقت " عام " ازاي ؟؟

اهي طعام بتتنطق زي عام كده بس حط ط ف اولها

ط -- عام

جرب كده تقراها تاني

طيب قول كده " كل الطعام كان حلا لبني اسرائيل " ؟؟

قرأت طعام ازاي ؟؟

دلوقتي بقي لما تيجي تقرا ف مصحفك .. و تقابلك كلمه " طعام "
اكيد هتفتكر الكلام ده وهتنظقها صح
تقبل الله منا ومنكم صالح الأعمال

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**الذهب العتيق** · 2013-07-16, 16:05

بلغو عنى ولو آيه

رفع الله قدرك بهذا العمل

وجعله فى ميزان حستناتك

تقبلى فائق احترامى وتقديرى

الموضوع الأصلي : بلغو عنى ولو آيه // المصدر : منتدي نقاء الروح // الكاتب: الذهب العتيق

**نقاء الروح** · 2013-07-17, 03:03

بلغو عنى ولو آيه

الذهب العتيق كتب:: رفع الله قدرك بهذا العمل

وجعله فى ميزان حستناتك

تقبلى فائق احترامى وتقديرى

جزاك الله خيراَّ أخى الفاضل الذهب العتيق
على وجودك الطيب
وأسأل الله ان يتقبل اعمالنا وتكون خالصه لوجهه الكريم
وكل عام وأنت بخير

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-17, 03:12

بلغو عنى ولو آيه

فــاعـــتــرفـــوا ،،

ال ر بس هى اللى مفخمه ها ؟؟ ادينى قلت من الاول اهو

شوف كده بتقول مثلا

اعتزلوا .. فـــاعـــتـــزلوا !

شوفت ( فـــاعـــتـــ ) دى مرققه ازاى ؟؟

" فَاعْتَرَفُوا بِذَنبِهِمْ فَسُحْقًا لِّأَصْحَابِ السَّعِيرِ "

طيب اخدت بالك من ( فسحقا )

بردو ال ق بس هى اللى مفخمه

ال ف و ال س وال ح مرققين كلهم .. زى ما بتقول ( فــَســَــحـــة )

مع اختلاف التشكيل يعنى

من وحي برنامج { بلغوا عني ولو آيه } في احكام تجويد القرآن بطريقه مبسطه

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-17, 03:26

بلغو عنى ولو آيه

تــبـــارك

ها قريتها ازاى ؟؟

لا كده غلط.. ال ر بس هى اللى مفخمه

تمام ؟

شوف كده بتقول ( " تـــبـــا " عَـــد ) ازاى !

" تــــبـــا " مرققه كلها

" تـــبـــا " ركـــ .. ايوة كده صح

بالمناسبه : سمعت حديث الرسول - صلى الله عليه وسلم :
فقد روى الترمذي عن أبي هريرة
عن النبي صلى الله عليه وسلم أنه قال:
" إن سورة من القرآن ثلاثون آية شفعت لرجل حتى غفر له
وهي سورة تبارك الذي بيده الملك.
قال أبو عيسى: هذا حديث حسن. ورواه أبو داود وغيره "
صدق رسول الله صلى الله عليه وسلم

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-17, 03:30

بلغو عنى ولو آيه

النار ،،،

اقراها تاني كده !

النــــــار ....

لا علي فكرة بتقراها غلط

اسمع نفسك كده و انت بتقول ( النــــاموسه )

شوفت " الــنــا " دي بتتنطق
ازاي ؟؟

قول بقي تاني كده " النار " ؟

دايما و انت بتقرا ف مصحفك ،، خد بالك : مش معني ان الكلمه فيها حرف مفخم

يبقي الكلمه كلها نفخمها

هنا ال " ر " بس هي اللي مفخمه باقي الحروف مرققه عادي

دلوقتي لما تقرا

أُولَـئِكَ أَصْحَابُ النَّارِ هُمْ فِيهَا خَالِدُونَ

هتقرا النار ازاي ؟؟

دلوقتي بقي لما تيجي تقرا ف مصحفك .. و تقابلك كلمه " النار" ابقي افتكر البوست ده

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-17, 03:39

بلغو عنى ولو آيه

قـــرآن ،،،

اقراها تانى كده !

لا على فكرة بتقراها غلط

احنا بنقول " آن الآوان "

شوفت الفرق بين آن اللى قولتها ف قرآن ..

و آن اللى قولتها ف آن الاوان ؟؟

ها هتقرا قــر" آن " ازاى بعد كده ؟؟

تمام كده

دلوقتي بقي لما تيجي تقرا ف مصحفك .. و تقابلك كلمه " قرآن

ابقي افتكر البوست ده

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح

**نقاء الروح** · 2013-07-17, 03:42

بلغو عنى ولو آيه

قول - بـــشـــر - كده ؟

لا لا .. مش كده :

اسمع صوتك كده وانت بتقول على المياه - بــارد

شوفت ال ب المفتوحه بتتنطق مرققه ازاى ؟؟

قولها تانى بقي .. بـــَــــشــــر !

تمام كده

دلوقتي بقي لما تيجي تقرا ف مصحفك .. و تقابلك كلمه بـــَــــشــــر

ابقي افتكر البوست ده

من وحي برنامج { بلغوا عني ولو آيه } في احكام تجويد القرآن بطريقه مبسطه

الموضوع الأصلي : بلغو عنى ولو آيه // المصدر : منتدي نقاء الروح // الكاتب: نقاء الروح