نقاء الروح
لمـــــن يحبهـــا  M0dy.net-01333271842




مرحبـا بك عزيزي.........

الزائر


منذ ان وطئت قدماك مواطن منتدانا

كم أتمنى أن تتسع صفحات منتدياتنا لقلمك
وما يحمله من عبير مشاعرك ومواضيعك
وآرائك الشخصية

التي سنشاركك الطرح والإبداع فيها
مع خالص دعواي لك بقضاء وقت ممتع ومفيد


مع تحيات


ادارة المنتدى
نقاء الروح
لمـــــن يحبهـــا  M0dy.net-01333271842




مرحبـا بك عزيزي.........

الزائر


منذ ان وطئت قدماك مواطن منتدانا

كم أتمنى أن تتسع صفحات منتدياتنا لقلمك
وما يحمله من عبير مشاعرك ومواضيعك
وآرائك الشخصية

التي سنشاركك الطرح والإبداع فيها
مع خالص دعواي لك بقضاء وقت ممتع ومفيد


مع تحيات


ادارة المنتدى


أهلا وسهلا بك إلى منتديات نقاء الروح.
Back to Top

!~ آخـر 10 مواضيع ~!
شارك اصدقائك شارك اصدقائك 15 أخطاؤنا في رمضان الأخطاء الخاصة بصلاة الوتر ودعاء القنوت فيها
شارك اصدقائك شارك اصدقائك 14 أخطاؤنا في رمضان الأخطاء الخاصة بصلاة الوتر ودعاء القنوت فيها
شارك اصدقائك شارك اصدقائك 13 أخطاؤنا في رمضان الأخطاء الخاصة بصلاة الوتر ودعاء القنوت فيها
شارك اصدقائك شارك اصدقائك 12 أخطاؤنا في رمضان الأخطاء الخاصة بصلاة الوتر ودعاء القنوت فيها
شارك اصدقائك شارك اصدقائك الثانيةعشر أخطاؤنا في رمضان الأخطاء الخاصة بصلاة الوتر ودعاء القنوت فيها
شارك اصدقائك شارك اصدقائك 11 الحاديةعشر أخطاؤنا في رمضان الأخطاء الخاصة بصلاة الوتر ودعاء القنوت فيها
شارك اصدقائك شارك اصدقائك 10 العاشرة أخطاؤنا في رمضان الأخطاء الخاصة بصلاة الوتر ودعاء القنوت فيها
شارك اصدقائك شارك اصدقائك 9 التاسعة أخطاؤنا في رمضان الأخطاء الخاصة بصلاة الوتر ودعاء القنوت فيها
شارك اصدقائك شارك اصدقائك الثامنة أخطاؤنا في رمضان الأخطاء الخاصة بصلاة الوتر ودعاء القنوت فيها
شارك اصدقائك شارك اصدقائك 7 أخطاؤنا في رمضان الأخطاء الخاصة بصلاة الوتر ودعاء القنوت فيها
2024-03-21, 18:46
2024-03-21, 18:45
2024-03-21, 18:43
2024-03-21, 18:41
2024-03-21, 18:39
2024-03-21, 18:38
2024-03-21, 18:37
2024-03-16, 16:46
2024-03-16, 16:43
2024-03-16, 16:41
إضغط علي شارك اصدقائك اوشارك اصدقائك لمشاركة اصدقائك!



نقاء الروح  :: ¨•.•`¤¦¤( ? مَـرَاْفِئٌ بلاْ حُـدُوْد ? )¤¦¤`•.•`¨ :: الملتقى العام

شاطر

لمـــــن يحبهـــا  Empty2013-03-11, 05:26
المشاركة رقم:
:: مراقب عام ::
اقسام النور
:: مراقب عام :: اقسام النور

ياسمينه

إحصائية العضو

عدد المساهمات : 497
نقاط المشاركات : 12823
تاريخ التسجيل : 06/12/2012
العمر : 42
MMS MMS : لمـــــن يحبهـــا  Mms2010
الاوسمةلمـــــن يحبهـــا  115893798
مُساهمةموضوع: لمـــــن يحبهـــا


لمـــــن يحبهـــا



هــــــــــــــــــــــــام


لكل أحبائى واخوانى المصريين
وصلنى مرة ايميل عبارة عن صور لمصر
ولكنها سيئة جدا ولا تعطى إلا أسوأ إنطباع عن بلدنا
وأغلبكم إن لم يكن جميعكم وصله نفس الإيميل ..
وتكرر كتير المضمون باختلاف الصور و كيفية التشوية ..!!
والكارثة أن مروجى هذه الرسائل هم مصريين ( ولو ظاهراً )
للدرجة دى أصبحنا حاقدين و ناقمين على بلدنا ؟؟
عمركم شفتوا بلد أغنى وأكرم و أحلى من مصر !!!؟؟
ومع ذلك ما فى حد بيشتم فى بلده غير المصريين !!!؟؟
ممكن يا جماعة نتفق اتفاق مهم جدا بس ياريت تركزوا معايا ،،

عاوزة أسألكم سؤال ,,
هل مصر تستحق منا ذلك ؟؟

هل فعلا مصر سيئة للدرجة دى ؟؟
بلدنا وحشة واحنا لازم ننشر ده على النت
لكل العالم ..!!
هل احنا وحشين ؟؟

اظن " لأ " هى إجابة أول 3 أسئلة
وإجابة آخر سؤال هى " نعم بالتأكيد "
ولا انتم مش معايا ؟

يا جماعة انا بعترف اننا بنعيش أزمات كتير
وفى بلاد كتير جدا كانت أسوأ منا و صارت أفضل بكتير
كمثال : اليابان اللى كانت متاخرة عنا 50 سنة وأكتر
حاليا هى فين و إحنا فين ..؟
وكمان مصر مواردها ماشاء الله و خيرها كتير جدا جدا .. خير يعيشنا ملوك
ورغم ده كله مش عارفين نعيش كويس و تعبانين
بس ده ذنب مين ؟
هل ده ذنب الوطن ؟
طول عمرها بتتسرق ورايح دمها هدر ومازالت صامدة ،،!!
يبقى هى مذنبه واحنا الضحايا !!

جوانا ضغط كتير وألم ميحسش بيه غير اللى عايش ظروفنا
شباب مش لاقى شغل ..!!
مش لاقى يتجوز ..!!
مش لاقى ياكل ..!!
مشاكل كتير أسبابها كتير ،، يمكن اهمها نقص الدين
او كلها بتصب فى هذا المنحدر ..!!
عاوزين نعترض نثور نصرخ
نعمل اى حاجه نفرغ بيها شحنة الكبت اللى جوانا
بدل ما ننفجر
( ده لو مكناش انفجرنا بالفعل ..! )

انا معاكم
الشحنة دى لازم تتفرغ
لكن لازم نفكر كويس ،، عشان نفرغها صح
وتجيب نتيجة كويسة
ترضينا و تزيح عننا الهم او جزء منه
مش تزيده ..!
لحد هنا متفقين ..؟
كويس

فى ناس حبت تاخد الخطوة الايجابية .. جميل
ناس مش عاوزة تخرس ألسنتها و عاوزة تتكلم لحسن تموت ..
جميل جدا
الناس دى عملت ايه ؟
اتصرفت ازاى يمكن نحب نقتدى بيهم

للأسف
ناس خدت رد فعل لمجرد انه رد فعل
مش سعياً لهدف محدد او نتيجة ايجابية
الناس دى اتاخرت شوية فى اتخاذ الخطوة الأولى
وكمان لما بدأوها .. بدأوها غلط ..!
ولذلك استفحلت حالتهم واتقلب الشعور اللى جواهم
من الضغط فقط ،،للكره والحقد على
أمهم
وطنهم
بدايتهم و نهايتهم
وفقدوا الشعور بالإنتماء والإخلاص
بدأوا يشوهوا صورة مصر
ينشروا كل ما يسىء لها من صور
يفضحوا نقاط الضعف
رغم إن ده مش شعورهم من الأصل
ولكنهم أصبحوا وبمنتهى السهولة آداه فى يد الحاقدين الأساسيين

بدون الخوض فى تفاصيل او توضيحات
لمجرد إضعاف النفوس المصرية وسلب كل ما هو معنوى
وفى صاالح الوطن الأكبر
لاحباط الشعب و سلب القوى الداخليه

اجمل حاجه فى المصرى هو تمسكه بوطنه وتعزيزه عن اى شىء
وهو ده سر انتصاراتنا فى كل الميادين

وسلب حب الوطن و إهدار مكانته وكرامته داخل الإنسان المصرى
من جملة أساليب الحرب النفسية
المتبعة مع لشعب المصرى ،، وياريتنا نصمد
ده كله لصالح مين ؟
لصالح مين نشوه بأيدينا أجمل صورة فى حياتنا
أجمل صورة فى حقيقتنا و خيالنا
وننزع عن قلوبنا رداء الوطنية
ونفقد هويتنا المصرية

لــيـــــــــــــــــــــــــه ؟؟

هنكسب أيه لما نخسر نفسنا
هنكسب أيه لما يكون تفريغ غضبنا عباره عن
حقن سم فاكرين اننا بنعالج بيها بعض ..!!
الغضب الاعمى و السخط والكراهيه عمرها ما كانت حلول سليمة ايجابية
وخصوصا لما يكون وطننا ملوش ذنب
وحتى لو ليه ذنب ؟؟
هو فى حد يتخلى عن وطنه و يشتمه علنا
وكأنه عامل دعوة " للسب المفتوح "..!
يا جماعة ده الواحد فينا لو متخانق مع والده أو والدته
مستحيل يروح يشتم فيهم للجيران
مهما عملوا فيه حتى ولو قتلوه ،، بيفضلوا أهله
ولو حصل أول وأقل حاجة بتتقال " ده قليل الأدب "

طيب احنا مش قليلى الأصل عشان نشتم فى بلدنا علنا
و نخلى الناس كمان تشتم معانا ..
يعنى لو انا قبلت الغضب ده من واحد مصرى هقدر ظروفه ..
لكن مش هقبل واحد مش مصرى يشتمنى فى بلدى او فى حد من اولاد وطنى
قال المثل :
" أدعى على ولدى ،، واكره اللى يقول آمين"
احنا بنشتم مش هنقدر نمسك افواه و ألسنة الآخرين طالما
يعنى بكل الأحوال هنتشتم أكتر ما بنتشتم ,,

ساعدونى و ساعدوا أنفسكم
انا عاوزة مساعدة بجد
ومش أنا لوحدى
أنا و كل مصرى ومصرية
أنا و أنتم وكل مصر
لازم نساعد بعض
يمكن نرد جزء من واجبنا تجاه وطننا الأم
يمكن نعوض بيها جزء من كرامتنا المجروحة
يمكن نلاقى حق مضاعش وسط الحقوق المهدورة
يمكن نحس إننا آدميين لينا حق نكون محترمين
مش هنفقد كل شىء حتى إعتبارنا وإنتمائنا
وحقنا فى الدفاع عن بلدنا المظلوم أكتر مننا ..

خلينا ناخد الخطوة الإيجابية الصح
خلينا نشتغل فى الإتجاه الصح
خلينا نرفع من شأن مصر
خلينا نرفع الروح المعنوية لبعض و لكل المصريين
خلينا نلاقى حل بجد

اول حاجه علشان نقدر نفكر صح
مش لازم نساعد على نشر الصور المسيئة لأمنا
مش صح نشكر ونتبسط و نضحك مع الغافلين
اوعى تشوف إيميل من ده و تضحك من قلبك
وتبعته لأصحابك بسرعة عشان يضحكوا
وتقول
only in egypt


عيب

انت بتضحك على نفسك
بتضحك على عجزك
بتضحك على اللى بيبكيك
فوووق
ياريت كلنا نفوق
ياريت نعمل حاجه واحدة صح
لو ما قدرناش ننجز فى بلدنا
او نبنى ولا حتى نرص قالب طوب
بلاش نهدم
بلاش نحبط البنائين
بلاش بدل ما نبنى بالطوب نحدف بيه بعض ..!!

ده إحنا أخوات فى الأول و الآخر
بلاش نقطع فى جسد كان السبب الأول فى وجودنا وحياتنا
رعانا واحنا صغيرين
ولما شاخ هاجمناه و اتهمناه بالعجز .. ذنبه أيه ؟؟!!
اخدنا كتير كتير وده وقت العطاء
حتى لو شايف نفسك ما أخدتش حاجة
ليه ماتكونش انت العطّاء
ليه حابب تكون انانى ..!! مش هعطى لأنى ما أخدتش .!
مش منطق
ده واجب ،، وإن لم يكن واجباً فهو فرض .

إحنا الغلطانين
إحنا الإتكاليين
إحنا اللى عاوزين نعيش ملوك من غير ما نتعب ولا نعمل بالدين
بلاش نفضل مقصرين فى حق نفسنا حق بعض و حق وطننا
ده لو مكانش غالى ومكانته عالية عند الله
ما كان جعل الموت فى سبيله من أعلى درجات الشهادة

اخوانى
اتفقنا نمنع الصور المسيئة لبلدنا
خلينا كمان نفخر اننا مصريين
مين فى العالم بلده مذكورة فى القرآن غير
مكة و مصر

بِسْمِ اللّهِ الرَّحْمَنِ الرَّحِيمِ
فَلَمَّا دَخَلُواْ عَلَى يُوسُفَ آوَى إِلَيْهِ أَبَوَيْهِ وَقَالَ ادْخُلُواْ مِصْرَ إِن شَاء اللّهُ آمِنِينَ (99)
يوسف
خلينا نعرف قيمة وطننا و قيمة نفسنا
خلينا نحس بكرامتنا و عزتنا
خلينا ننشر كل الصور الحلوة لمصر
مصر مش كلها وحش
ومفيش بلد فى العالم كله حلو و جميل ومرتاح
البلاد زيها زى البيوت
فيها حلوها و مرها
حلوها لازم يبان ومرها تتقفل عليه البيبان

اتعودنا مشاكلنا ماتخرجش من باب بيتنا
واحنا بلدنا زى كل بلد
فيها الحلو و الوحش
لكن خلينا احنا نعمل حملة نعاكس فيها اعداء اهلنا
واعداء أنفسهم
هننشر صور جميلة لمصر ونوريها لكل العام
ونعرفهم تاريخ مصر
ونقول هى دى مصر
هى دى بلدنا
اللى افتخرنا و بنفتخر و هنفضل طول عمرنا نفتخر
اننا أولادها،، وأنها أمنا ،،


لمـــــن يحبهـــا  Images?q=tbn:ANd9GcTwPEcsb3DycErJAxErJbmOLc2HW4hhRC8pNv-5H5n7_jDoEhAJQQ

بحبك وأنتى فنجان مكسور
بحبك وأنتى طوبه فى سور
بحبك وأنتى منصوره
بحبك وانتى مكسوره
بحبك وأنتى مجرورة
بحبك وأنتى مرفوعه فوق رؤس الناس
بحبك لو كنتى حتى سم أتحطلى ف كاس
بحبك وأنتى زرع أخضر ف قلب الغيط
قمح دره فول مش مهم أنا طبيت
بحبك وأنتى صورة متشعلقه ع الحيط
بحبك يا مصر
وأنا شغال وأنا عاطل أو حتى موجود ف البيت
بحبك لما بتعملى شعرك ضفاير
بحبك وأنتى صبية تاخد عقول الضراير
بحبك يا أم الحضارة العظيمه
بحبك وانتى ريف ولا مدينه
وحبك أنزرع جذوره فى القلب
بحبك






الموضوع الأصلي : لمـــــن يحبهـــا // المصدر : منتدي نقاء الروح // الكاتب: ياسمينه


توقيع : ياسمينه





لمـــــن يحبهـــا  Empty2013-03-12, 11:06
المشاركة رقم:
 
 

د. أحمد عبدالرحمن

إحصائية العضو

عدد المساهمات : 171
نقاط المشاركات : 9382
تاريخ التسجيل : 28/11/2012
العمر : 44
MMS MMS : لمـــــن يحبهـــا  Mms1510
الاوسمة
لمـــــن يحبهـــا  رابط صورة الوسام
http://noreleslam.own0.com/
مُساهمةموضوع: رد: لمـــــن يحبهـــا


لمـــــن يحبهـــا



استوقفنى عنوان موضوعك كثيرا
لمن يحبها
فمن هؤلاء وما هو الشىء الذى يحبونه
وعندما قرات كلماتك فكنت مع كل سطر ازداد شوقا لقرائه ما يليه حتى انتهيت منه
رسالتك التى تعبر عنها كلماتك رساله نبيله جدا...ولكن لن يستقبلها الكثير
فقط الذين يحبونها فقط هم اللذين سيفهموا مضمون الرساله
ازدادت مؤخرا تلك الافعال والاقواليل التى تهدف اللى اظهار ما يعانيه بلدنا من محن فى الوقت الحالى
ولكن ليست كلها على هذا المنوال ..فقد تطرق العديد منها اللى النقد الهدام وليس البناء
ونسى الكثير ان بلادنا قد مرت بكثيرمن المحن قد تكون اشد واعتى مما نمر به الان
وصدقينى برغم كل الأزمات اللى مصر بتمر بها الأن الا انك عمرك ماهتحسى بحبك الحقيقى ليها
الا اذا بعدتى عنها وقتها بس هتحس انها اجمل بلد فى الدنيا
العيب مش فى الوطن العيب فينا احنا كمصريين مش فى بلدنا
دورنا ان نمد ايدينا لبعضنا البعض و ان نظهر صورة مصر الجميلة الحقيقية

بلدنا لسه بخير.. وان شاء الله تتغير للاحسن والافضل
موضوعك رائع ياسمينه احيكى عليه






الموضوع الأصلي : لمـــــن يحبهـــا // المصدر : منتدي نقاء الروح // الكاتب: د. أحمد عبدالرحمن


توقيع : د. أحمد عبدالرحمن








الــرد الســـريـع
..




الذين يشاهدون محتوى الموضوع الآن : 20 ( الأعضاء 3 والزوار 17)



لمـــــن يحبهـــا  Collapse_theadتعليمات المشاركة
صلاحيات هذا المنتدى:
لاتستطيع الرد على المواضيع في هذا المنتدى

BB code is متاحة
كود [IMG] متاحة
كود HTML معطلة






Powered by vBulletin