انا اسفة
سامحينى
ارجوكى لازم تسامحينى
بجد مكنش قصدى
انا عارفة انى غلطت فىحقك كتير اووووووووووى
بس هعمل اية كنت مش شايفة حاجة ومش فاهمة حاجة
اانا اسفة
بتتاسفى على اية
على كل حاجة غلطتها فحقك وكل أذي اتسببتلك فيه
ياااااااااااااااة لسة فاكرة بعد اية
انا عارفة انى غلطت وانى قصرت وانى جرحتك بس عرفت غلطتى
للأسف انتى عرفتيها متأخر اوووى
انا عارفة انى عرفتها متأخر بس لسة باقى وقت نفسى اصلح غلطى
انتى عارفة انى اكتر واحدة بتحبك وكنت بخاف عليكى اوى
عرفت دلوقتى
انا عارفة انى ياااااااااما جرحتك ويااااااما خليتك تبكى بالساعات قبل ماتنامى ودمعتك على خدك
عارفة انى كنت بأجى فى وقت مش مناسب وافكرك بجراح واخليكى من كترها تبكى
عارفة انى كنت بخليكى تكسلى عن الصلاة
عارفة انى كنت بخليكى تنسى ربنا
عارفة كل حاجة
عارفة انى عملت كتير اووووى
بس سامحينى بقى
يااااااااااااااااااااة دلوقتى بس عرفتى دة كلة
كنتى فين لما احاول اخفف عنك وانتى تخلينى ادمع اكتر
كنتى فين لما كنت بتجرح قدامك وانتى ساكتة
كنتى فين لما كنا بنسمع صوت الاذان ومنصليش
كنتى فين لما كنتى بتجرحينى
دة انا اكتر واحدة بحبك وخايفة عليكى
دة انا الكل جرحك وانا اللى وقفت جمبك
دة انا الكل أذاكى وانا اللى خففت عنك
دة انا اللى كنت دايما معاكى فى جرحك قبل فرحك
فى حزنك قبل فرحتك
فى كل دقيقة وكل ثانية
كنت بحاول اعمل المستحيل عشانك وانتى مش شايفة
حد قدامك كنتى نسيانى لية
كنتى بتجرحينى لية
كنتى بتعملى كل دة معايا لية
دة انا كنت اقرب حد ليى
كنت اقرب من كل الناس اللى تعرفيهم واللى كنتى بتأذينى عشانهم
وتيجى على كرامتى عشانهم
لية انا
لية انا
ارجوكى بقى كفاية
انا عارفة انى غلطت وبتأسفلك وهفضل اتأسفلك
سامحينى بقى انا مليش غيرك يقف جمبى
انا عارفة انك الوحيدة اللى كنتى بتمسحى دموعى انا عارفة انك الوحيدة اللى
كنتى بتخففى عنى أهاتى وألمى عارفة انك بتحبينى بس انا مكنتش شيفاكى قدامى
صح كنت بأجى عليكى
انا دلوقتى دموعى على خدى ارجوكى خليكى جمبى
وسامحينى
هسامحك بس بشروط
انا موافقة من غير مااعرفها
دلوقتى بس عرفتى قيمتى
اكيد
شروطى
1" تقربينى من ربنا اكتر واكتر
2" تحبيتى وبجد
3" تخافى عليا من كل الناس
4" تحفظى كرامتى
5" تخليكى واقفة جمبى ضد اى مخلوق لو حب يأذينى
6" اهتمى بيا وبجد ومن قلبك
7" اوعى تخلى حد يجرحنى مرة تانية مهما كلن الشخص دة
كدة انا خلصت شروطى
رأيك اية
موافقة طبعا على كل شروطك
بحبك اوووووووووووووى
وانا كمان بحبك اوووووووووى




الحوار دة كان بينى وبين نفسى
نفسى اللى انا ظلمتها نفسى اللى انا جرحتها
نفسى اللى انا قصرت فى حقها
نفسى اللى انا اذيتها اوى
بتأسفلها لانى اهملتها وجرحتها
كام واحدة فينا ظلمت نفسها وجرحتها وأذتها
كام واحدة جات على نفسها عشان ناس متستهلش
كام واحد جرح كرامته عشان حد تافة
كام واحد فينا ضحى بمستقبله عشان ناس ملهاش لزمة
كام واحدة باتت دمعتها على خدها
هى نفسك دىمتستاهلشي تعيش مبسوطة
هى نفسك دى ملهاش حق تضحك وتكون سعيدة
هى نفسك دى مش ليها حق عندك برضة
انا غلطت فى حق نفسى
واكيد كل واحد فينا غلطان فى حق نفسه
انا قررت اصالحها وصلحتها
من النهاردة بحب نفسى
بس مش حب انانية
لالا
حب بجد
بحب نفسى وبحب الناس بس نفسى غالية عندى اوى

؛
؛
؛
ياسمينه

الله عليكِ
حوار مع النفس
رائع جدا
وكلنا فى حاجه اننا نتحاور مع انفسنا
ونعتذر لها اذا شعرنا بأننا اخطأنا فى حقها
وانا اول من يقدم اعتذار اليكِ يانفسى
لقد أخطأت فى حقك كثيرا
وحملتك الكثير والكثير
وأنتِ ابداَ لم تملى
ولكن أوعدك انى سأكون رحيمة بكِ
ولن اتسبب فى المك مرة أخرى
سامحينى

حبيبتى الغاليه ياسمينه
سلمتى حبيبتى على موضوعك الرائع جداا
وفى انتظار وجودك المميز دائما
محبتى

غاليتى ياسمينه
رائع جدا ماقرأته هنا
وكما ذكرت اختنا الغاليه نقاء
جميعنا فى حاجه الى تلك الوقفه
والاعتراف بأخطائنا
تقبلى تحيتى وصادق الدعاء